Qëllimi dhe Fushëveprimi
Të hetojë dhe raportojë mbi vendimet, veprimet dhe rrethanat që çuan në kushtet me të cilat u hasën (“incidenti”) personat e ndaluar në Institucionin e Ndalimit Afat – Shkurtër Manston (“Manston”) ndërmjet periudhës 1 Qershor 2022 dhe 22 Nëntor 2022 (“periudha përkatëse”).
Të arrijë në konkluzione mbi faktet që lidhen me trajtimin e personave të ndaluar në Manston gjatë periudhës përkatëse; dhe më pas të bëjë rekomandime për trajtimin e incidentit ashtu si do të jetë e përshtatshme. Këtu përfshihet përcaktimi i fakteve dhe përfundimeve në lidhje me mënyrën se si dhe në çfarë rrethanash ndodhi vdekja e Hussein Haseeb Ahmed më 19 nëntor 2022.
Në mënyrë të veçantë, Hetimi duhet të hetojë:
- Kushtet e hasura në Manston gjatë periudhës përkatëse
- Trajtimi i personave të ndaluar në Manston gjatë periudhës përkatëse nga personeli në Manston, duke përfshirë edhe nga personeli i ofruar nga kontraktori
- Hapat e ndërmarrë në kuadër të planifikimit të kapaciteteve për Manston dhe për strehimin e mëtejshëm, përfshirë hotelet, për periudhën përkatëse, si dhe identifikimin nëse ka pasur ndonjë dështim që çoi ose kontribuoi në kushtet në Manston gjatë periudhës përkatëse
- Nëse masat e marra për përmirësimin e kushteve në Manston dhe shkurtimin e periudhave gjatë të cilave individët mbaheshin në institucion gjatë periudhës përkatëse ishin efektive, dhe nëse mund të merreshin dhe/ose nëse ishte e arsyeshme të merreshin masa të mëtejshme për të përmirësuar kushtet në Manston gjatë periudhës përkatëse
- Nëse ka mësime që duhen nxjerrë në lidhje me trajtimin e incidentit nga Zyra e Brendshme
Hetimi nuk duhet të nxjerrë përfundime në lidhje me funksionimin aktual të Manston, por mund të merren në konsideratë ndryshimet e bëra dhe veprimet e ndërmarra pas incidentit për të mbështetur rekomandimet.
Metoda
Hetimet do të jenë në kompetencën e Kryetarit të Hetimit. Si departamenti që i sponsorizon Zyra e Brendshme do të ofrojë mbështetje dhe do të sigurohet që Hetimi të ketë burimet për të adresuar këto terma të referencës.
Hetimi do të përpiqet t’i hetojë këto çështje nëpërmjet:
- analizës së evidencave dokumentare
- intervistave dhe deklaratave të dëshmitarëve
- evidencave dhe gjetjeve nga çdo raport i mëparshëm në lidhje me Manston të cilat kanë të bëjnë me periudhën përkatëse
Në rast se Kryetari mendon se janë të nevojshme dëgjimet publike në mënyrë që të veprohet në përputhje me Nenin 3 të Konventës Evropiane për të Drejtat e Njeriut, Kryetari duhet të konsultohet me Sekretarin e Brendshëm në lidhje me këtë nevojë. Pas këtij konsultimi, Kryetari mund të mbajë seanca publike aty ku është e nevojshme për të përmbushur kërkesat e Nenit 3 të Konventës Evropiane për të Drejtat e Njeriut.
Hetimi nuk duhet të marrë parasysh më shumë evidenca nga sa është në mënyrë të arsyeshme e nevojshme për të përmbushur dhe adresuar këto terma referimi.
Hetimi duhet të përpiqet të shmangë kostot e panevojshme kur heton këto çështje.
Raporti
Hetimi duhet të kryhet pa vonesa të panevojshme, për të mundësuar që raporti përfundimtar të prodhohet sa më shpejt dhe në mënyrë efektive. Raporti përfundimtar duhet të pasqyrojë gjetjet e tij të fakteve dhe rekomandimet për Sekretarin e Brendshëm.
Hetimi duhet të bëjë çdo rekomandim që e sheh të përshtatshëm, duke përfshirë çdo veprim që, sipas pikëpamjes së tij, mund të jetë i përshtatshëm si rezultat i gjetjeve në të. Raporti përfundimtar do të publikohet nga Sekretari i Brendshëm dhe qeveria do të përgjigjet në kohën e duhur.
Parimet
Hetimi do të ndërmarrë hapat e arsyeshëm për të siguruar transparencë gjatë të gjitha fazave të hetimit.
Një ekip i dedikuar i Hetimit do të jetë i arritshëm gjatë gjithë kohës.
Nuk është pjesë e funksionit të Hetimit që të përcaktojë përgjegjësinë civile ose penale të individëve ose organizatave të përmendura. Gjithsesi, kjo nuk duhet ta pengojë Hetimin nga arritja e gjetjeve të fakteve të rëndësishme sipas termave të tij të referencës.
Ndihma dhe Mbështetja
Lista e mëposhtme është përgatitur për t’ju drejtuar tek disa nga organizatat kryesore të cilat mund të jenë në gjendje të ofrojnë mbështetje ose këshilla në lidhje me shqetësime të caktuara. Ju lutemi vini re se Hetimi nuk i mbështet zyrtarisht këto organizata ose ndonjë këshillë që ato mund të ofrojnë, dhe as nuk synon të jetë një listë shteruese e organizatave që mund të jenë në gjendje t’ju ofrojnë mbështetje. Ne jemi të vetëdijshëm se mund të ketë organizata të tjera të cilat janë në një pozicion më të mirë për t’ju ndihmuar, prandaj ju inkurajojmë që të kontaktoni këdo që ta keni më të përshtatshëm për të marrë asistencë:
Ndihma emergjente Nëse nuk jeni në gjendje të kujdeseni për sigurinë tuaj ose keni mendime për vetë-lëndim ose vetëvrasje për të cilat mund të ndërmerrni veprime, ju lutemi merrni parasysh opsionet e emergjencës si më poshtë:
- Shkoni në çdo Spital ose departament të Aksidenteve & Emergjencës [A&E] ose rezervoni një takim urgjent me Mjekun tuaj të Përgjithshëm [GP].
- Telefononi numrin 999 dhe kërkoni një ambulancë, ose për këshilla shëndetësore jo emergjente, telefononi NHS në 111.
- Nëse keni nevojë për mbështetje urgjente, por nuk doni të kontaktoni shërbimin shëndetësor, telefononi Linjën e ndihmës të Samaritanëve 24/7 në numrin 116 123.
Asistencë e posaçme për të ndaluarit ose migracionin
Merrni ndihmë si refugjat apo azilkërkues / Kryqi i Kuq Britanik – Ofron ndihmë urgjente për mirëqenien e refugjatëve dhe azilkërkuesve, dhe viktimat e trafikimit të qenieve njerëzore. Tel-0344 871 11 11
Liria në Besim [Bail] për të Ndaluarit nga Imigracioni / Home – Ofron këshilla ligjore dhe përfaqësim për emigrantët e ndaluar në qendrat e largimit dhe në burgje. Tel – 020 7456 9750 (E Hënë – E Enjte 10 paradite – 12 mesditë) Email casework@biduk.org.
Migrant Help – Ofron këshilla dhe ndihmë për emigrantët. Ata ofrojnë një Linjë Ndihme Pa Pagesë për Azilin të cilën mund ta kontaktoni në numrin 0808 8010 503. Email info@migranthelp.org.
Drejtësia Mjekësore [Medical Justice] – Punon për të drejtat shëndetësore për të ndaluarit – Ofron këshilla dhe vlerësime mjekësore të pavarura për të ndaluarit nga imigracioni dhe shkruan raporte mjeko – ligjore dhe letra që përshkruajnë shqetësime mjekësore të rëndësishme. Tel – 0207 561 7498. Email info@medicaljustice.org.uk.
Avokati i Popullit për Burgjet dhe Provën – Hetim i pavarur i ankesave nga ata që janë në burg ose që mbahen të ndaluar nga imigracioni. Tel 0845 010 7938 (shërbimi i përgjigjes së telefonit) Tel – 020 7633 4100 Email mail@ppo.gov.uk.
Na Kontaktoni / Samaritanët – Mbështetje dëgjimi pa pagesë për ata që janë në nevojë. Tel – 116 123 telefon pa pagesë. Email jo@samaritans.org.
Shërbime shtesë
Mind – Mbështetje dhe informacion për shëndetin mendor duke përfshirë këshilla emergjente dhe burime për krizat. Tel – 0300 123 3393.
Citizens Advice – Organizatë Bamirëse e cila ofron këshilla dhe informacione pa pagesë për tema të ndryshme. Tel- 0800 144 8848 (Angli) 0800 702 2020 (Uells).
Charity For Civil Servants | Për gjithçka që ndodh – Organizata bamirëse The Civil Service ofron një shumëllojshmëri mbështetjesh për personelin e Shërbimit Civil aktual dhe në të shkuarën. Tel – 0800 056 2424 nga e Hëna deri të Premten, nga ora 10:00 deri në 13:00 ose në mënyrë alternative nëpërmjet email-it në adresën hello@cfcs.org. uk ose kontaktoni Employee Assistant Programme [Programin e Ndihmës së Punonjësve] të departamenteve tuaja.
| Documents |
|---|
| Njoftim për Privatësinë |
| Formulari i Aplikimit për Pjesëmarrës në Hetim |
| Protokolli për Pjesëmarrësit dhe Përfaqësuesit Ligjorë në Fazën 2 të Hetimit |